喪星玩轉荷里活 2013

一齣被美國國防部，評為「一級非物質致命武器」，勁過「攞你命 3000」； CIA、FBI 等特工組織，出動所有精英徹夜追查，都查不到影片來源；正常男人睇完，更會陽痿自殺死的「史上最癲喪禁片之王」─ Movie 43，竟然在一次意外下，被三個騎呢高中生喺網上揾到疑似片段⋯

蝙蝠俠與羅賓，不拯救葛咸城，走去參加 speed dating，惹來一群超女英雌，連番「媽叉」，追收風流債！？

戇膠處男，被父母「老點」，留在家中「焗」上瘋狂高中課。到底會是一場揾笨版禁室培育，抑或是重口味的愛的敎育！？

富豪大款送花、送車、送豪宅來示愛你就聽得多；送自己「便便」示愛，你又有冇見識過？一對痴男怨女，實行紥馬運功，大「爆」一場「臭」味相投的「屎」詩式戀愛！？

靚仔鑽石王老五，溝女卻「永冇得手」？⋯原來係器官生錯位，人人嫌棄佢「一袋宗師」嘅真正身份！？

可愛哈比人，粗口講到無時停；你要佢做運財童子，佢話叫你去食屎！